സാംസങ് തങ്ങളുടെ സ്മാര്ട്ട് ക്യാമറയില് 8കെ വീഡിയോ റെക്കോഡിങ് അവതരിപ്പിക്കുന്നതായി സൂചന. സാംസങ്ങ് ക്യാമറ ആപ്ലിക്കേഷന്റെ ഏറ്റവും പുതിയ പതിപ്പിന്റെ കോഡ് എക്സ്ഡിഎ ഡെവലപ്പര്സിലെ ടീം പുറത്തു വിട്ടു. അടുത്ത വര്ഷം പുറത്തിറങ്ങുന്ന ഗാലക്സി എസ് 11 ല് പ്രത്യക്ഷപ്പെടാന് സാധ്യതയുള്ള പുതിയ ക്യാമറ സവിശേഷതകളെക്കുറിച്ചുള്ള നിരവധി സൂചനകളാണ് ഇതു വെളിപ്പെടുത്തുന്നത്. 8കെ വീഡിയോ റെക്കോഡ് ചെയ്യാന് ശേഷിയുള്ള സ്മാര്ട്ട് ഫോണ് ക്യാമറ ഇപ്പോള് നിലവിലില്ല. പുറത്തു വരാനുള്ള സോഫ്റ്റ് വെയര് സവിശേഷതകളില് ഡയറക്ടേഴ്സ് വ്യൂ, സിംഗിള് ടേക്ക് ഫോട്ടോ, നൈറ്റ് ഹൈപ്പര്ലാപ്സ്, കൂടാതെ ഹൊറിസോണ്ടല് പനോരമകള്, ഇഷ്ടാനുസൃത ഫില്ട്ടറുകള് എന്നിവയെ കൂടാതെ അതിലേറെയും ഉണ്ട്.
എസ് 11 വാങ്ങുന്നവര്ക്കു 8 കെ വീഡിയോയിലെ സൂചനകളില് കൂടുതല് താല്പ്പര്യമുണ്ടാകും. വരാനിരിക്കുന്ന സാംസങ് മുന്നിരയ്ക്ക് സെക്കന്ഡില് 30 ഫ്രെയിമുകളില് 8 കെ ഫൂട്ടേജ് റെക്കോര്ഡുചെയ്യാന് കഴിയുമെന്നാണ് സൂചന. എന്നാല് സാംസങ്ങ് മാത്രമല്ല 8കെയുമായി വരാനിരിക്കുന്നത്. ഷവോമിയും ഇത്തരത്തില് സൂചനകള് നല്കുന്നുണ്ട്. സാംസങ്ങിന്റെ ടോപ്പ് എന്ഡ് ചിപ്സെറ്റുകള് ഇപ്പോള് 8 കെ വീഡിയോയെ പിന്തുണയ്ക്കുന്നു. ക്വാല്കോമിന്റെ വരാനിരിക്കുന്ന സ്നാപ്ഡ്രാഗണ് 865 ചിപ്സെറ്റില് നിന്നും ഇതു തന്നെ പ്രതീക്ഷിക്കുന്നുണ്ടു താനും. അതു കൊണ്ടു തന്നെ അടുത്ത വര്ഷം 8 കെ പ്രവര്ത്തനക്ഷമമാക്കിയ ഒരേയൊരു ഫോണായി കുത്തക പിടിച്ചു നിര്ത്താന് സാംസങ്ങിനു സാധ്യതയില്ല.
പ്രാഥമിക ക്യാമറയില് 108 എംപി സാംസങ് ഐസോസെല് സെന്സറിന്റെ ഉപയോഗവും എപികെ കോഡ് സ്ഥിരീകരിച്ചു. ഈ സെന്സറിനൊപ്പം ആരംഭിച്ച ചില ഉപകരണങ്ങള് ഇതിനകം വിപണി കണ്ടതാണ്. ഷവോമി നോട്ട് 10-ല് ഈ സെന്സര് കാണാം. അതു കൊണ്ടു തന്നെ മെച്ചപ്പെട്ട വേരിയന്റിനൊപ്പം അല്ലെങ്കില് എസ് 11-ല് ഈ സെന്സര് വരുന്നുവെന്നത് പുതിയൊരു കാര്യമല്ല.