എന്‍വയോണ്‍മെന്റലി സീല്‍ഡ് ആണ് ഇന്നു വരുന്ന മിക്ക പ്രൊഫഷണല്‍ ക്യാമറകളും. പ്രത്യേകിച്ച് മിറര്‍ലെസ് ക്യാമറകള്‍. ഈര്‍പ്പവും പൊടിയും ജലവും കയറാതിരിക്കാന്‍ വേണ്ടി ക്യാമറയുടെ ഇന്റേണല്‍ ആക്‌സസ്സറീസിനെ സംരക്ഷിക്കുകയെന്നതാണ് ഇതു കൊണ്ട് ഉദ്ദേശിക്കുന്നത്. മുന്‍പ് സെന്‍സറിന് ഒഴികെ എല്ലായിടത്തും ഈ സംരക്ഷണം നല്‍കിയിരുന്നു. സെന്‍സര്‍ ഷിഫ്റ്റിങ് ടെക്‌നോളജി ഉപയോഗിച്ച് സെന്‍സറില്‍ അടിഞ്ഞു കൂടിയിരിക്കുന്ന പൊടിപടലങ്ങളെ കുടഞ്ഞു കളയുന്ന സംവിധാനം മുന്തിയ ഡിഎസ്എല്‍ആറുകളില്‍ നാം കണ്ടിരുന്നു. ഇന്ന് ഇപ്പോള്‍ മിറര്‍ലെസ് ക്യാമറകളുടെ കാലമാണ്. അതു കൊണ്ടു തന്നെ ചില അവസരങ്ങളില്‍ നിങ്ങള്‍ മോശം കാലാവസ്ഥയില്‍ മാത്രം ഷൂട്ട് ചെയ്യേണ്ടി വന്നേക്കാം. അപ്പോള്‍ ക്യാമറ എന്‍വയോണ്‍മെന്റലി സീല്‍ഡ് ആണെന്ന് ഉറപ്പിക്കണം. നിങ്ങളുടെ ശ്രദ്ധ ലാന്‍ഡ്‌സ്‌കേപ്പുകള്‍, പ്രകൃതി അല്ലെങ്കില്‍ മറ്റെന്തെങ്കിലും ആയിരിക്കട്ടെ, നിങ്ങള്‍ ദീര്‍ഘനേരം ഔട്ട്‌ഡോര്‍ ആയിരിക്കുമ്പോള്‍ ക്യാമറയ്ക്ക് മഴ, തണുപ്പും പൊടിയും എന്നിവയെ പ്രതിരോധിക്കാന്‍ കഴിഞ്ഞില്ലെങ്കില്‍ നല്ല പണിയാവും.
ഭാഗ്യവശാല്‍ ഇന്നത്തെ മിറര്‍ലെസ്സ് ക്യാമറകളില്‍ പലതും, നിക്കോണിന്റെ ഡി6, കാനോണിന്റെ ഇഒഎസ് ആര്‍ മുതല്‍ പാനസോണിക് എസ് 1, സോണിയുടെ എ 7 ആര്‍3, ഫ്യൂജിഫിലിം എക്‌സ്ടി 3 എന്നിവയ്ക്ക് ഇതുണ്ട്. പലപ്പോഴും അവ നന്നായി സംരക്ഷിക്കപ്പെടും. ജലത്തുള്ളികള്‍ അകത്തേക്ക് കടക്കാന്‍ കഴിയില്ലെന്ന് ഉറപ്പുവരുത്താന്‍, മാത്രമല്ല അവ സാധാരണയായി പൊടി, മരവിപ്പിക്കുന്ന താപനില എന്നിവയില്‍ നിന്നും സംരക്ഷിക്കപ്പെടും. ഒപ്പം മറ്റൊരു കാര്യം കൂടിയുണ്ട്, നിങ്ങള്‍ ഉപയോഗിക്കുന്ന ലെന്‍സ് നിങ്ങളുടെ ക്യാമറയ്ക്ക് സമാനമായ പരിരക്ഷ നല്‍കുന്നുവെന്ന് ഉറപ്പാക്കുക.
