പുതിയ വോയ്‌സ് ചാറ്റ്, ആനിമേറ്റുചെയ്ത സ്റ്റിക്കറുകളടക്കം പുതിയ ഫീച്ചറുകള്‍, ടെലിഗ്രാം മുഖം മിനുക്കുന്നു

0
34

ടെലിഗ്രാം അതിന്റെ ഉപയോക്താക്കള്‍ക്കായി പുതിയ ഫീച്ചറുകള്‍ അവതരിപ്പിച്ചു. ടെലിഗ്രാം ഗ്രൂപ്പുകള്‍ക്കായുള്ള വോയ്‌സ് ചാറ്റ്, എസ്ഡി കാര്‍ഡ് സ്റ്റോറേജ്, ആപ്ലിക്കേഷന്റെ ആന്‍ഡ്രോയിഡ് പതിപ്പിനായുള്ള പുതിയ യുഐ ആനിമേഷന്‍, പുതിയ മീഡിയ എഡിറ്റര്‍, വേഗതയേറിയ ലോഡിംഗ്, മികച്ച ആനിമേറ്റഡ് സ്റ്റിക്കറുകള്‍ എന്നിവ ഉള്‍പ്പെടെയുള്ള ഫീച്ചറുകള്‍ പ്രഖ്യാപിച്ചു. ടെലിഗ്രാമില്‍ 400 ദശലക്ഷത്തിലധികം സജീവ ഉപയോക്താക്കളുണ്ട്, ഉടന്‍ തന്നെ 500 ദശലക്ഷം കടക്കും. ഇതിന്റെ ഭാഗമായാണ് ഈ അപ്‌ഡേറ്റഡ് ഫീച്ചറുകള്‍.

വോയ്‌സ് ചാറ്റ് ഫീച്ചര്‍ ഉള്‍പ്പെടെ കുറച്ചധികം അപ്‌ഡേറ്റുകള്‍ ടെലിഗ്രാം ഇപ്പോള്‍ പ്രഖ്യാപിച്ചു. അത് ഗ്രൂപ്പുകളെ ഒരു വോയ്‌സ്ചാറ്റ് റൂമിലേക്ക് ഉടനടി മാറ്റാന്‍ അനുവദിക്കുന്നു. ‘ഏത് ടെലിഗ്രാം ഗ്രൂപ്പിനെയും ഈ പുതിയ ഫീച്ചര്‍ ഉപയോഗിച്ച് ഒരു വോയ്‌സ് ചാറ്റ് റൂമിലേക്ക് പരിവര്‍ത്തനം ചെയ്യാന്‍ കഴിയും. അതിനാല്‍, ഇത് ടീമുകള്‍ക്കുള്ള വെര്‍ച്വല്‍ ഓഫീസ് ഇടങ്ങളായി അല്ലെങ്കില്‍ വിവിധ കമ്മ്യൂണിറ്റികള്‍ക്കുള്ള കാഷ്വല്‍ ലോഞ്ചുകളായി ഉപയോഗിക്കാം. വോയ്‌സ് ചാറ്റ് ഓവര്‍ലേ ഫീച്ചര്‍ ഉപയോഗിച്ച്, ഉപയോക്താക്കള്‍ക്ക് ഏത് വോയ്‌സ് ചാറ്റിലും കണക്റ്റുചെയ്തിരിക്കുമ്പോഴും അപ്ലിക്കേഷന് ചുറ്റും സ്വതന്ത്രമായി സഞ്ചരിക്കാനും സംഭാഷണങ്ങള്‍ ബ്രൗസുചെയ്യാനും സന്ദേശങ്ങള്‍ അയയ്ക്കാനും കഴിയും. മൈക്ക് കണ്‍ട്രോള്‍ കാണിക്കുകയും നിലവില്‍ ആരാണ് സംസാരിക്കുകയും ചെയ്യുന്നതെന്ന് അറിയാനാകും. സിസ്റ്റം വൈഡ് ഫ്‌ലോട്ടിംഗ് വിജറ്റ് ഉപയോഗിച്ച് ആന്‍ഡ്രോയിഡ് ഉപയോക്താക്കള്‍ക്ക് ഫുള്‍ വോയ്‌സ് ചാറ്റ് അനുഭവം ലഭിക്കും. ടെലിഗ്രാം ഡെസ്‌ക്‌ടോപ്പിന്റെയും നേറ്റീവ് മാകോസ് അപ്ലിക്കേഷന്റെയും ഉപയോക്താക്കള്‍ക്ക് ടെലിഗ്രാം ഫോക്കസ് ചെയ്യാത്തപ്പോള്‍ പോലും മൈക്ക് കണ്‍ട്രോള്‍ ചെയ്യുന്നതിന് വോയ്‌സ് ചാറ്റുകള്‍ക്കായി ഒരു പുഷ് ടു ടോക്ക് കീ തിരഞ്ഞെടുക്കാനാകും.

ഇന്റേണല്‍ സ്‌റ്റോറേജില്‍ നിന്ന് ഒരു എക്‌സ്‌റ്റേണല്‍ എസ്ഡി കാര്‍ഡിലേക്ക് അവരുടെ അപ്ലിക്കേഷന്‍ ഡാറ്റ നീക്കാന്‍ ആന്‍ഡ്രോയിഡ് ഉപയോക്താക്കളെ ടെലിഗ്രാം അനുവദിക്കും. ഉപയോക്താക്കളുടെ ഉപകരണങ്ങളുടെ ഇന്റേണല്‍ സ്‌റ്റോറേജ് ഫ്രീയാക്കാന്‍ ഇത് സഹായിക്കും. ഇതിനുപുറമെ, ആന്‍ഡ്രോയിഡ് ഉപയോക്താക്കള്‍ക്കായി ടെലിഗ്രാം പുതിയ ആനിമേറ്റഡ് സ്റ്റിക്കറുകളും ആനിമേറ്റഡ് ഇമോജികളും പുറത്തിറക്കുന്നു. മീഡിയ എഡിറ്റിംഗ് ടൂള്‍ ആണ് മറ്റൊരു ഫീച്ചര്‍. അത് മീഡിയ എഡിറ്ററില്‍ ഇഫക്റ്റുകള്‍, ഡ്രോയിംഗുകള്‍ അല്ലെങ്കില്‍ സ്റ്റിക്കറുകള്‍ ചേര്‍ക്കാനും ഇതിനകം അയച്ച ഒരു ഫോട്ടോ എഡിറ്റുചെയ്യാനും ഉപയോക്താക്കളെ അനുവദിക്കും. ഐഒഎസ് ഉപയോക്താക്കള്‍ക്ക് പെന്‍ ബട്ടണ്‍ ടാപ്പുചെയ്ത് അവര്‍ക്ക് ലഭിച്ച ഒരു ഫോട്ടോ വേഗത്തില്‍ എഡിറ്റുചെയ്യാനും തിരികെ അയയ്ക്കാനും കഴിയും.

LEAVE A REPLY

Please enter your comment!
Please enter your name here