GoPro അതിന്റെ അടുത്ത തലമുറ ആക്ഷന്‍ ക്യാമറകള്‍, Hero 11 Black, Hero 11 Black Creator Edition, Hero 11 Black Mini എന്നിവ പ്രഖ്യാപിച്ചു. ഹീറോ 11 ബ്ലാക്ക് ക്യാമറകളില്‍ മൂന്നെണ്ണത്തിലും മുന്‍ ഹീറോ ക്യാമറകളില്‍ ഉപയോഗിച്ചിരുന്നതിനേക്കാള്‍ വലുതും ഉയര്‍ന്ന റെസല്യൂഷനുള്ളതുമായ ഒരു പുനര്‍രൂപകല്‍പ്പന ചെയ്ത സെന്‍സര്‍ ഫീച്ചര്‍ ചെയ്യുന്നു. റെസല്യൂഷനും വലിപ്പം വര്‍ദ്ധനയും കൂടാതെ, പുതിയ സെന്‍സറുകള്‍ക്ക് 10-ബിറ്റ് ക്യാപ്ചര്‍, മെച്ചപ്പെട്ട വീഡിയോ സ്റ്റെബിലൈസേഷന്‍ എന്നിവയും ഉണ്ട്, ഒരു GoPro ക്യാമറയില്‍ ഇതുവരെ കണ്ടെത്തിയിട്ടുള്ളതില്‍ വച്ച് ഏറ്റവും വിശാലമായ വ്യൂ ഫീല്‍ഡ് ഇതില്‍ കാണാം.
പുതിയ ടൈപ്പ് 1/1.9 (6.40 x 5.60mm) സെന്‍സറിന് 10-ബിറ്റ് വീഡിയോ 5.3K വരെ റെസല്യൂഷനില്‍ സെക്കന്‍ഡില്‍ 60 ഫ്രെയിമുകള്‍ വരെ (fps) പകര്‍ത്താനാകും. ഈ ഫൂട്ടേജ് ഏകദേശം ചതുരാകൃതിയിലുള്ള 8:7 വീക്ഷണാനുപാതത്തില്‍ ക്യാപ്ചര്‍ ചെയ്യാന്‍ കഴിയും, ഇത് കൂടുതല്‍ ലംബമായ കാഴ്ച പിടിച്ചെടുക്കുന്നു. കൂടുതല്‍ പരമ്പരാഗത വീഡിയോകള്‍ക്കായി തിരശ്ചീനരീതിയില്‍ ക്രോപ്പ് ഉപയോഗിക്കാനും സോഷ്യല്‍ പ്ലാറ്റ്ഫോമുകളില്‍ പങ്കിടുന്നതിന് ലംബമായ ക്രോപ്പ് ഉപയോഗിക്കാനും. Instagram Reels, TikTok, മറ്റ് പ്ലാറ്റ്ഫോമുകള്‍ എന്നിങ്ങനെയുള്ള ഷൂട്ടിന് സാധ്യമാകുന്ന വിധത്തിലാണ് ഇതിന്റെ നിര്‍മ്മിതി. കൂടാതെ, ഒരു പുതിയ ഹൈപ്പര്‍വ്യൂ മോഡും ഉണ്ട്, അത് ഹീറോ ക്യാമറയില്‍ വെച്ചിട്ടുള്ളതില്‍ വച്ച് ഏറ്റവും വിശാലമായ 16:9 വ്യൂ ഫീല്‍ഡ് ക്യാപ്ചര്‍ ചെയ്യുന്നു.
