കുത്തിപ്പെയ്യുന്ന കാലവര്‍ഷത്തിന്റെ എത്രയെത്ര മനോഹരചിത്രങ്ങള്‍ നമുക്കിടയിലുണ്ടാകും. എന്നാല്‍, അത്തരം ചിത്രങ്ങളെടുക്കുന്നതിനു പിന്നിലെ പ്രയത്‌നത്തെക്കുറിച്ച് കാഴ്ചക്കാര്‍ ആലോചിക്കാറേയില്ല. വലിയൊരു ക്ഷമയുടെയും കഷ്ടപ്പാടിന്റെയും ഫലമാണ് ഈ ചിത്രങ്ങള്‍. ഇത് ക്രിയേറ്റീവായി ചെയ്യുന്നതിനെക്കുറിച്ചുള്ള മാര്‍ഗ്ഗങ്ങള്‍ എന്തൊക്കെയാണെന്നു നമുക്ക് നോക്കാം. കുറഞ്ഞ വെളിച്ചത്തില്‍ പ്രവര്‍ത്തിക്കുന്ന ക്യാമറയാണ് മഴചിത്രങ്ങള്‍ പകര്‍ത്താന്‍ അനുയോജ്യം. അത്യാധുനിക സാങ്കേതികവിദ്യയുള്ള ഒരു പ്രൊഫഷണല്‍ മിറര്‍ലെസ്സ് ക്യാമറയാവും നല്ലത്. ഓര്‍ക്കുക, ഒരു സ്മാര്‍ട്ട്‌ഫോണ്‍ ക്യാമറ ഉപയോഗിച്ച് റെയിന്‍ ഫോട്ടോഗ്രഫിക്ക് വേണ്ടി ശ്രമിക്കരുത്. വിശാലമായ ചലനാത്മക ശ്രേണിയും ഉയര്‍ന്ന ഐഎസ്ഒയില്‍ ഷൂട്ട് ചെയ്യാനുള്ള സാധ്യതയും ആവശ്യമാണ്.
നിങ്ങളുടെ ക്യാമറയ്ക്കായി ഒരു റെയിന്‍കോട്ടും നിങ്ങള്‍ക്കായി ഒന്നും കരുതണം. പ്രൊഫഷണല്‍ ക്യാമറകള്‍ വിലയേറിയതാണ്, ഒരൊറ്റ ഫോട്ടോഷൂട്ടില്‍ നിങ്ങളുടേത് നശിപ്പിക്കരുത്. വാട്ടര്‍പ്രൂഫ് ക്യാമറ കേസുകള്‍, ലെന്‍സ് ഹൂഡുകള്‍ എന്നിവ കരുതണം. സുതാര്യമായ പ്ലാസ്റ്റിക് ബാഗ് ഉപയോഗിച്ച് ക്യാമറ നനയില്ലെന്ന് ഉറപ്പാക്കുക. ഒപ്പം നിങ്ങള്‍ മഴ നനയരുത്. നിങ്ങള്‍ നനഞ്ഞാല്‍ മതിയായ ക്ഷമ, ഊര്‍ജ്ജം, സര്‍ഗ്ഗാത്മകത എന്നിവ ഉണ്ടാകില്ല. ഏറ്റവും പ്രധാനം ഒരു ട്രൈപോഡ് ആണ്. ചില മഴ ദൃശ്യങ്ങള്‍ക്ക് കൂടുതല്‍ നാടകീയമായ ഫലത്തിനായി ദീര്‍ഘനേരം എക്‌സ്‌പോഷറുകള്‍ ആവശ്യമാണ്. കുറഞ്ഞ ഷട്ടര്‍ വേഗത ഉപയോഗിക്കുന്നില്ലെങ്കിലും, ഒരു ട്രൈപോഡ് മങ്ങിയ ചിത്രങ്ങളുടെയും ക്യാമറ ഷെയ്ക്കിന്റെയും അപകടസാധ്യത ഇല്ലാതാക്കുന്നു. നിങ്ങള്‍ ഒരു രാത്രി മഴ ഫോട്ടോ സെഷന്‍ തിരഞ്ഞെടുക്കുകയാണെങ്കില്‍, ഒരു ട്രൈപോഡ് നിര്‍ബന്ധമാണ്.
(തുടരും)
Photo: Sajeev K.R.
