വീനസ് ഒപ്റ്റിക്സ് പുതിയ ഒരു കൂട്ടം ലെന്‍സ് പുറത്തിറക്കുന്നു. ഇത് 1.5x അനാമോര്‍ഫിക് സിനി ലെന്‍സുകളുടെ ഒരു പുതിയ ലൈനപ്പാണ്. അതായത്, സൂപ്പര്‍ 35 വീഡിയോ ക്യാപ്ചറിനുള്ള ‘ലോകത്തിലെ ഏറ്റവും ചെറുത്’ ആയിരിക്കും ഈ ലെന്‍സ് എന്ന് വീനസ് ഒപ്റ്റിക്സ് പറയുന്നു.
നാനോമോര്‍ഫ് ലെന്‍സ് ലൈനപ്പില്‍ പേറ്റന്റ് നേടിയ അനാമോര്‍ഫിക് ഡിസൈനുകളുള്ള മൂന്ന് ലെന്‍സുകള്‍ അടങ്ങിയിരിക്കും: ഒരു 27mm T2.8, 35mm T2.4, 50mm T2.4. ഓരോ ലെന്‍സുകളും സ്ഥിരമായ 1.5x അനാമോര്‍ഫിക് സ്‌ക്വീസ് വാഗ്ദാനം ചെയ്യുകയും നീല, ആമ്പര്‍ ഫ്‌ലെയര്‍ ഓപ്ഷനുകളില്‍ ലഭ്യമാകുകയും ചെയ്യും. അതിനാല്‍ ആ സിഗ്‌നേച്ചര്‍ ശൈലിയുമായി പൊരുത്തപ്പെടാന്‍ ഫോട്ടോഗ്രാഫര്‍മാര്‍ക്ക് കഴിയും. തീര്‍ച്ചയായും, ലെന്‍സുകള്‍ അനാമോര്‍ഫിക് ഷോട്ടുകളുടെ പ്രധാന ഘടകമായി മാറിയ ഓവല്‍ ബൊക്കെയും വാഗ്ദാനം ചെയ്യും.
വീനസ് ഒപ്റ്റിക്സ് ഒരു ലെന്‍സിനും കൃത്യമായ അളവുകള്‍ നല്‍കിയിട്ടില്ല, എന്നാല്‍ വിവിധ ക്യാമറ സിസ്റ്റങ്ങളില്‍ ലെന്‍സുകള്‍ കാണിക്കുന്ന ടീസര്‍ വീഡിയോയെ അടിസ്ഥാനമാക്കി, വിപണിയിലെ മറ്റ് അനമോര്‍ഫിക് ലെന്‍സുകളേക്കാള്‍ കൂടുതല്‍ ഒതുക്കമുള്ളതായി കാണപ്പെടുന്നു.
വീനസ് ഒപ്റ്റിക്സ് പറയുന്നത്, ലെന്‍സുകളില്‍ ഒരു ‘ചെറിയ [മിനിമം] ഫോക്കസിംഗ് ദൂരം’ ഉണ്ടായിരിക്കുമെന്നാണ്. എങ്കിും, ഓരോ ലെന്‍സുകളിലും ഫോക്കസിനും അപ്പര്‍ച്ചര്‍ റിംഗുകള്‍ക്കുമായി 0.8 മോഡ് ഗിയറുകളുള്ള സാധാരണ സിനിമാ-സ്‌റ്റൈല്‍ ഹൗസിംഗും ഡിസ്റ്റന്‍സ് മാര്‍ക്കറുകളും ഉണ്ടായിരിക്കുമെന്നത് വ്യക്തമാണ്. ലോഞ്ച് ചെയ്യുമ്പോള്‍, ലെന്‍സുകള്‍ Canon EF, Canon R, DJI DL, Fujifilm X, L മൗണ്ട് മൈക്രോ ഫോര്‍ തേര്‍ഡ്സ്, നിക്കോണ്‍ Z, Sony E മൗണ്ട് ക്യാമറ സിസ്റ്റങ്ങള്‍ക്ക് ലഭ്യമാകുമെന്ന് പ്രതീക്ഷിക്കുന്നു.
